Shqiptari arratiset nga burgu në Greqi, ishte dënuar për trafik droge

Një 48-vjeçar shqiptar është arratisur sot nga burgu i Kasandrës në Greqi.

Sipas të dhënave që publikojnë mediat greke, mësohet se shqiptari, emri i të cilit nuk bëhet i ditur, vuante dënimin në këtë burg për trafik drogë.

Ndërkohë, sapo është njoftuar nga autoritetet e burgut, policia ka nisur kërkimet për të burgosurin. Kjo nuk është hera e parë kur shqiptarë që vuajnë dënimin në burgjet greke, arratisen.