Shqiptari hiqej si punëtor krahu, por bënte miliona me shitje kokaine

Një shpërndarës shqiptar kokaine është arrestuar nga policia italiane në Parma.

Bëhet fjalë për 39-vjeçarin, Ismail Shtufi, i cili u vu në pranga gjatë një aksoni antidrogë.

Gjatë kontrollit të ushtruar në banesën e tij, policia gjeti dhe sekuestroi 27 mijë euro, të prera në kartmonedha 500-she. Ndërsa në garazh policia gjeti dhe sekuestroi dy copa të mëdha kokaine të pastër, me peshë 198 gram, me vlerë tregu mbi 15 mijë euro.

Mediat italiane shkruajnë se Shtufi bënte një jetë të thjeshtë, në dukje, pasi njihej si punëtor krahu që merrej me ndërtim. Por aktivitetin e shpërndarjes së kokainës e bënte në mënyrë të fshehtë.

Sipas policisë italiane, 39-vjeçari ishte dënuar edhe në vitin 2012 pasi u kap me 200 gram kokainë .

Por me sa duket, problemet ligjore nuk e kanë ndaluar atë për ta ushtruar aktivitetin e tij./tvklan.al