Shqiptari ‘koka’ e shpërndarësve, marijuanë nën shtrat e kokainë në banjë

Një shqiptar që cilësohej si koka e shpërndarësve të drogës u prangos në Itali. Mediat italiane raportojnë se në pranga u vu një 27-vjeçar, emri i të cilit nuk bëhet i ditur, por që kishte kohë që mbahej nën vëzhgim.

Shqiptarit që banonte në Bagnoli Irpino iu bë një kontroll me qen antidrogë në shtëpi dhe iu gjet nën shtrat një sasi prej 11 kg marijuanë dhe në banjë 1 kg kokainë e pastër.

Marijuana ishte e sistemuar në çanta poshtë shtratit, së bashku me mjetet të tjerë që duheshin për peshimin apo sistemimin e lëndës narkotike.

Ndërkohë që në serbatorin e banjës u gjet një sasi prej 1 kg kokainë e pastër. Hetuesit vlerësuan se xhiroja e saj në treg do të bënte së paku 900 mijë euro.