Shukri Xhelili “familjarizohet” me qelinë, heq dorë nga kërkesa për lirim

Avokati mbrojtës i ish-kryebashkiakut të Dibrës, Shukri Xhelili është tërhequr nga kërkesa e tij për ta liruar atë.

ShukriuNë seancën e radhës të procesit, në të cilin mbrojtja kërkonte ndryshimin e masës së sigurisë “arrest me burg” për Xhelilin, avokati tha se nuk e shikon të arsyeshme të vijojë me të njëjtin pretendim, raporton TCH.

Pa dhënë shpjegime të tjera, avokati i tha gjykatës se kjo është një strategji e tij si mbrojtës. Gjykata e pushoi gjykimin pasi nuk ka më objekt shqyrtimi.

Me shumë gjasa, tërheqja e mbrojtjes vjen për shkakun se prokuroria përfundoi hetimet dhe e dërgoi si të pandehur ish-kybashkiakun e Dibrës, që të gjykohet për korrupsion.