Shumica e serbëve për ndërprerje të dialogut me Kosovën dhe kundër BE

Një anketë e zhvilluar me qytetarët serbë ka treguar se shumica e serbëve në Serbi, ka thënë se procesi i Brukselit (bisedime Kosovë – Serbi) është mbi “këmbë qelqi”, transmeton Koha.net.

Ata, për shkak të Trepçës, janë shprehur kundër vazhdimit të dialogut Beograd – Prishtinë.

Mbi 60 për qind e të anketuarve, ka thënë analisti serb Dejan Vuk Stankoviç për gazetën “Veçernje Novosti”, është për ndërprerjen e bisedimeve me Kosovën, siç kanë thënë respondentët, “derisa të mos respektohen i interesat e Serbisë”.

Po sipas kësaj ankete, vetëm 41 për qind e të pyeturve është deklaruar për Serbinë në BE. Rritja e euroskepticizmit serb, sipas zbërthyesve të anketës, është pasojë e qëndrimit pro Kosovë të Bashkimit Evropian.