SKANDALI/ Maturantja me mesatare 9.6 mbetet pa universitet

Një maturante me mesatare 9.6 nuk ka rezultuar fituese në asnjë degë as në raundin e dytë të garës për në universitet.

Maturante te shkolles Petro Nini Luarasi ne kryeqytet, duke dale nga provimi i matures i sezonit te vjeshtes.
Shkak është bërë ndryshimi i mesatares së saj, duke e shënuar në sistem më të ulët.

Duke verifikuar të dhënat e saj në sistemin e Agjencisë Kombëtare të Provimeve, të Ministrisë së Arsimit dhe Sportit, pasi ishte në pritje të rezultateve, vajza ka konstatuar se mesatarja e saj, 9.6, ishte zëvendësuar me një mesatare më të ulët.

Maturantja, Xh.R., 18 vjeçe, e cila ka përfunduar maturën në shkollën e mesme “Besnik Sykja”, i është drejtuar Policisë duke bërë kallëzim penal në Seksionin për Krimet Kompjuterike.

18-vjeçarja ka denoncuar para oficerëve të Policisë, se ka dyshime që nëpërmjet ndërhyrjes në sistemin e regjistrimit dhe aplikimit, i kanë ndryshuar mesataren.

Për rrjedhojë ajo nuk ka arritur të dalë fituese as si kandidate e raundit të dytë të përzgjedhjes për në universitet.

Burime nga Policia, bëjnë me dije se oficerët e krimeve Kompjuterike po verifikojnë të dhënat në sistem, për të zbuluar personin që ka ndërhyrë në sistem.

Vetë kallëzuesja nuk ka dhënë ndonjë emër konkret personi të dyshuar, por ka dorëzuar në Polici dokumentet që provojnë se asaj i është ndryshuar mesatarja.