Sonda ruso-europiane në Mars ka shpërthyer gjatë uljes

Një sondë e përbashkët evropiano-ruse e gjithësisë duket se ka shpërthyer gjatë uljes në sipërfaqen e planetit Mars. Këtë e kanë treguar pamjet satelitore të publikuara mbrëmë.

Pamjet stalitore të agjencisë amerikane të hapësirës, NASA, e paraqesin një pikë të zezë në hapësirën ku sonda Schiaparelli mendohej se do të ulej para dy ditësh, ka njoftuar Agjencia Europiane e Hapësirës.

Pamjet e sjella i kanë mbyllur spekulimet e shkaktuara nga heshtja e sondës, pas uljes të planifikuar.

Agjencia evropiane tha se çrregullimi në fotografitë e NASA-s, paraqet dëshmi për uljen me përplasje, e me këtë rast janë shpërndarë mbeturinat përreth, të ngjashme me vendet e eksplodimit në Tokë.

Sonda Schiaparelli ishte e projektuar për testim të teknologjisë për më tepër ulje ambicioze në Mars nga shtetet evropiane, deri në vitin 2020.