AS: Spanja sonte kërkon të bëjë më shumë gola se në një përrallë

Gazeta spanjolle “AS” në një artikull për ndeshjen që luhet sonte në Shkodër mes Shqipërisë dhe Spanjës, shkruan se Kombëtarja e tyre do të kërkojë me patjetër fitoren dhe do të shënojë “më shumë gola se në një përrallë”.

“Futbolli është një çështje shteti për Shqipërinë”, kështu e cilëson media e njohur spanjolle ndeshjen e sotme.

AS përmend edhe punën e teknikut italian Gianni De Biasi që ka bërë me ekipin kuqezi, duke theksuar se Kombëtarja Shqiptare është një rival me shumë krenari.

Gazeta spanjolle e cilëson jo të lehtë përballjen e sotme të Spanjës me Shqipërinë në stadiumin “Loro Boriçi” me një kapacitet 17 mijë vendesh, megjithatë parashikon fitore të iberikëve me goleadë. Shkrimi i AS vazhdon me formacionin e mundshëm të Spanjës. /Syri.net/