Të shtëna me armë në Beograd, ekzekutohet lideri i tifozëve të Partizani

Pas të shtënave me armë zjarri që ndodhën mbrëmë në Beograd është vrarë një 29 vjeçar ndërsa një person tjetër është plagosur.

Policia ka kryer një hetim dhe është në kërkim të autorit të këtij krimi, thuhet në një njoftim për media të Ministrisë së Brendshme të Serbisë, njofton Klan Kosova.

Mediat në Beograd raportojnë se në këtë rast është vrarë lideri i tifozëve të Partizanit, Aleksandar Stankoviq, jo shumë larg nga portat e Burgut Qendror të Beogradit.

Përveç tij, nga këto shtëna është plagosur rëndë një person tjetër, dhe siç raporton”Blic-i” serb, ai është një roje burgu me inicialet M. GJ.

Roja i plagosur është transportuar në Qendrën Emergjente dhe është vendosur në departamentin e reanimimit, transmeton Klan Kosova.