“Do të vras”, 25-vjeçari kërcënon me armë vajzën nga Bulqiza dhe e përdhunon në një hotel në Durrës

DURRËS- Një 24-vjeçare është kërcënuar dhe përdhunuar në një hotel në Durrës. Mësohet se një 25-vjeçar tashmë i arrestuar nga policia ka kërcënuar se do e vriste një vajzë nga Bulqiza dhe e ka çuar në një hotel ku e ka përdhunuar.

Specialistët për Krimet  në Komisariatin e Policisë Durrës arrestuan në flagrancë shtetasin Sulejman Gjoka 25 vjeç, banues në Rrushkull, Durrës.

Ngjarja ka ndodhur më 18 tetor. Denoncimi është bërë një ditë më pas nga 24-vjeçarja me iniciale M.Xh., banuese në Bulqizë. Ajo ka thënë se 25-vjeçari e ka kërcënuar me vrasje dhe më pas e ka çuar në një hotel në Durrës ku ka kryer marrëdhënie seksuale me dhunë. “Më tha ‘do të vras’ dhe më çoi në një hotel”, ka thënë e reja.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Marrëdhënie seksuale” me dhunë me të rritura.