Thaçi: Me Shqipërinë, nuk kemi aspirata për ndryshim kufijsh

Presidenti i Kosovës, Hashim Thaçi, po merr pjesë në punimet e Asamblesë Parlamentare të NATO-s. Ai është pyetur për raportet me vendet e rajonit, në veçanti me Shqipërinë, ku ka thënë se raportet Kosovë-Shqipëri, janë të shkëlqyeshme dhe për këtë duhet të gëzohen të gjithë, transmeton lajmi.net.

“Nuk kemi aspirata për ndryshim kufijsh me Shqipërinë”, thënë Thaçi.

Ai ka deklaruar se aspiratat e Kosovës janë euroatlantike dhe për këtë angazhohen të gjitha partitë në vend.

Thaçi ka deklaruar se anëtarësimi i Maqedonisë dhe Malit të Zi në NATO është i domosdoshëm.