Thirrja e Bashës: Jemi përballë shtetit narkrotrafikant, të ngrihemi

Kryedemokrati Lulzim Basha hodhi poshtë sot të dhënat e raportit të përbashkët të drogës së Guardia di Fianca dhe Policisë së Shtetit pas monitorimit të territorit nga ajri, kur tha se këtë vit në Shqipëri mund të jenë prodhuar 10 mijë ton drogë.

“Nëse afro 20 ton drogë të kapura nga policia italiane përfaqësojnë, 0,2% të drogës së Shqipërisë, atëherë flasim për 10 mijë ton drogë të prodhuar në Shqipëri”,- u shpreh Basha.

Basha i forcoi akuzat dhe akuzoi drejtpërdrejt qeverinë si organizatë droge, ndërsa tha se Al Kaponet e drogës janë kryeministri Rama e ministri i Brendshëm Saimir Tahiri. “Rama krihet para ekraneve, asnjë analizë, asnjë raport serioz për logjistikën për lidhjet me krimin ndërkombëtar. Gjithçka lihet në heshtje. Këto tregojnë qartë se qeveria, Rama dhe Tahiri janë brenda organizatës më të madhe të drogës. vetë qeveria, këta janë Al Kapone-t e dorgës”.

Basha tha më tej se, kryeministri Rama dhe ministri Tahiri në të gjithë këtë histori kanë luftuar prokurorët që zbulonin drogën. “Në gjithë këtë proces asnjë trafikant i arrestuar përveç fakir fukarenjve që punojnë si skllevër, Habilajve dhe Balilajve nuk iu hyn asgjë në këmbë. Rama dhe Tahiri luftuan prokurorët që iu vunë kundër drogës…Brenda 3 ditëve u sekuestruan 26 ton drogë nga një aksion i prokurorisë”.

Nga ana tjetër ai theksoi se edhe portali prestigjioz AP ngriti shqetësimin e drogës në Shqipëri. Kryeopozitari ndër të tjera tha se bandat e drogës udhëhiqen nga Rama dhe Tahiri, para të cilat do të shërbejnë për trafikun e drogës. Basha theksoi se Tahri duhet të dorëhiqet, ndërsa nga ana tjetër ai ftoi qytetarët dhe shoqërinë civile që të ngrihen për të rrezuar qeverinë.

“E vërteta është një perandori me para të pista, që Rama ka ndërmend t’i fusë për zgjedhjet e ardhshme. Sot Rama zbatoi ekranet që të tregonte sesa të mira janë plehrat në Shqipëri. Sot portali më i madh ndërkombëtar, AP tregoi se sa alarm është bërë droga në vend. Rama ka bërë legalizim de-facto të kësaj të keqe, por duke kontrolluar ai vet drogën me argatinë tij. Tahir nuk mund të qëndroj më asnjë ditë në detyrë. Socialist, e demokrat, pjesëtarë të shoqërisë civile, gjendemi përball shtetit narkrotrafikant, shteti i lirë ka rënë, ndaj kjo kartelë nuk na le asgjë zgjidhje tjetër. Përveçse të ngrihemi, të rrëzojmë së bashku narko-kartelin e drogës së bashku.”, përfundoi Basha.