Tradhtia, arsyeja e ndarjes së këngëtares J.Lo me Gasper Smart

Raportohet se Jennifer e ka dëbuar të dashurin e saj nga shtëpia për shkak të tradhtisë. Thuhet se Casper e ka tradhtuar për herë të dytë.

Kanë kaluar gati dy muaj që prejse për herë të fundit kemi mundur t’i shohim bashkë Jennifer Lopezin dhe të dashurin e saj Casper Smart. Dy pëllumbat dikur të dashuruar të cilët tashmë një kohë ishin në lidhje të brishtë, tani përfundimisht janë ndarë.

Përgjithmonë. Në të vërtetë, J. Lo ditëve të fundit në ngjarje të ndryshme është paraqitur e vetme. Kështu ajo ka ardhur solo në një mbremje në Hempston dhe më pas është paraqitur vetëm edhe në disa raste te tjera. Kjo ka shtyrë mediet që të hulumtojnë nëse dyshja e njohur është ende bashkë. Dhe si duket përgjigjja është negative.

Raportohet se Jennifer e ka dëbuar të dashurin e saj nga shtëpia për shkak të tradhtisë. Thuhet se Casper e ka tradhtuar për herë të dytë. “Hera e parë ka ndodhur para dy vjetësh dhe ai i kishte premtuar se nuk do ta përsëriste më, por tani kur kjo ka ndodhur sërish, e ka ditur se lidhja e tyre ka marrë fund”, ka deklaruar një burim i afërt gjatë bisedës me revistën “People”. “Është e vërtetë se e ka tradhtuar dhe tani kur çdo gjë ka marrë fund, ai prapë po e lut që ta pranojë sërish”, ka shtuar burimi, duke shtuar se Jennifer më as që dëshiron të dëgjojë për këtë dhe tashmë e ka dëbuar nga shtëpia.