Tragjedia pas mortit të gardianit, pranga 2 shoferëve

Arrestohen dy drejtuesit e mjeteve që u përplasën dje në Korçë, duke shkaktuar vdekjen e dy oficerëve të Burgut të Drenovës, që ktheheshin nga morti për përcjelljen e kolegut të tyre.

Policia e Korçës ka njoftuar sot se ka arrestuar N.A, 54 vjeç, banues në Pogradec dhe Neki Taipi, 22 vjeç, banues në fshatin Dvoran.

Arrestimi i tyre u bë pasi, dje në rrugën nacionale Korçë-Bilisht, duke drejtuar përkatësisht mjetin autoveturë tip “Skoda”, me targë AA 251 FX dhe mjetin furgon tip “Benz”, me targë AA 519 FX, janë përplasur me njëri-tjetrin ku për pasojë kanë gjetur vdekjen shtetasit : F.I, 53 vjeç, banues në Vlorë dhe shtetasi A.B, 54 vjeç, banues në Fushë-Krujë, të dy pasagjerë në mjetin me targa AA 251 FX.

Gjithashtu kanë pësuar dëmtime fizike drejtuesi i mjetit tip “Skoda” shtetasi N.A dhe shtetasi L.K, 48 vjeç, banues në Korçë, pasagjer në të njëjtin mjet, të cilët po marrin ndihmën e nevojshme mjekësore në Spitalin Rajonal të Korçës.