Tragjike/ I shpëton gjyshes nga duart, vogëlushja 2-vjeçare bie nga ballkoni në Berat

Një vogëlushe 2-vjeçare ka rënë aksidentalisht nga ballkoni i shtëpisë, pasi i ka shpëtuar nga duart gjyshes së saj. Gazetarja e “ News24” Eneida Petova bën të ditur se rreth orës 14:30 është paraqitur në spitalin rajonal një vogëlushe 2-vjeçe, me shembje në pjesë të ndryshme të trupit.

Familjarët e fëmijës kanë deklaruar se vajza ishte duke luajtur, më pas është afruar tek ballkoni dhe duke tentuar të kapte lodrën e saj ka rrëshqitur dhe ka rënë poshtë.

Vogëlushja K.Sh, banuese në lagjen “30 Vjetori” ishte së bashku me gjyshen e saj në momentin kur ka ndodhur ngjarja, por ajo s’ka arritur dot në kohë për ta kapur, kur vajza është varur për të kapur lodrën.

Mjekët e spitalit të Beratit konfirmojnë se fëmija ndodhet jashtë rrezikut për jetën.
Ndërkohë grupi hetimor po kryen veprimet në banesën ku ndodhi ngjarja, për zbardhjen e plotë të rrethanave.