Trump kërkon falje për komentet ofenduese mbi gratë

Kandidati republikan për president në SHBA Donald Trump ka kërkuar falje për komentet e turpshme mbi gratë, të nxjerra nga një video incizim.

Kandidati republikan ka thënë përmes një deklarate se “Unë kërkoj falje nëse dikush është ofenduar”.

The Washington Post publikoi një video incizim, kur Trump ishte duke folur me Billy Bush dhe Access Hollywood në vitin 2005.

Në regjistrim ai thotë: “Gratë e bukura më tërheqin menjëherë, si me magnet dhe filloj t’i puth. Nuk më pritet, i puth menjëherë”. Dhe më tej vazhdon: “Kur je i njohur, ato të lënë të bësh ç’të duash”.

Trump vazhdon me komente të tjera vulgare se si u kërkon favore seksuale grave, duke folur në mënyrë shumë të hapur.

Në deklaratën ku kërkon ndjesë Trump thotë se: “Ato ishin biseda private, që ndodhën shumë vite më parë. Bill Clinton më ka thënë gjëra shumë më të shëmtuara në fushën e golfit, që as nuk u afrohen këtyre që kam thënë unë”.