Trump i kërkon falje Serbisë për bombardimet e vitit 1999

Kandidati republikan i Shteteve të Bashkuara të Amerikës, Donald Trump “kërkon falje për bombardimin e serbëve dhe njoftoi një politikë të re ndaj Ballkanit nëse ai fiton”. Këtë shkruajnë sot mediat serde, duke cituar kandidatin për president të amerikanëve.

“Bombardimi i serbëve, të cilët ishin aleatët tanë në të dyja luftërat botërore, ishte një gabim i madh. Serbët janë njerëz shumë të mirë. Për fat të keq, administrata e Clinton u ka shkaktuar atyre një të keqe të madhe, por edhe gjithë Ballkanit, nga të cilat kanë krijuar një rrëmujë”, citohet të ketë thënë Trump për median serbe “Nedelnjik”.

Po sipas “Nedelnjik”, ai u ka kërkuar falje serbëve për shkak të SHBA-ve, – e veçanërisht Clintonit – për politikën ndaj serbëve. Po kështu ai ka theksuar se nëse ai bëhet president “ka për të forcuar marrëdhëniet me qeverinë në Beograd”.