Trump: Nuk ka njeri më abuziv me gratë se bashkëshorti i Hillary-t

Donald Trump i tejkaloi pritshmëritë, megjithatë debati i dytë presidencial u fitua nga Hillary sipas sondazheve. Rezultatet treguan një fitore të qartë për Clinton me 57% ndërsa 34% shkruan për Trump.

Një shfaqje e mirë e Clinton por jo aq sa performanca e saj e parë ku fitoi me 62%
Donald Trump ka mbrojtur komentet e tij të turpshme që dolën në publik javën e kaluar, duke nisur një sulm të ashpër ndaj Hillary Clinton dhe bashkëshortit të saj.

Kandidati republikan mohoi se ai kishte sulmuar ndonjëherë seksualisht një femër, por filloi të akuzojë ashpër ish-Presidentin Bill Clinton në debatin e dytë presidencial të zhvilluar.
Video e skandalit

“Nuk ka njeri më abuziv me femrat se Bill Clinton në historinë e politikës,” tha ai.
Hillary Clinton refuzoi t’u jepte përgjigje komenteve të tij për bashkëshortin e saj. Sulmi i Trump për Clinton-ët erdhi pasi moderatori Anderson

Cooper e pyeti Trump për një video të regjistruar më 2005-n dhe që u bë publike të premten.
Kandidati republikan mohoi çdo akuzë dhe u fokusua në akuzat që duhet t’i bënte ish-Presidentit Clinton.

Ndërsa sipas Hillary-t, video e Trump, që nxiti një eksod të republikanëve të mohojnë mbështetjen për kandidatin e tyre presindencial, tregon se kush Donald Trump është në të vërtetë.

“Mendoj se është e qartë për këdo që ajo që dëgjuam në video është pikërisht ajo që e përfaqëson atë si njeri,” tha Clinton.
Akuzat për email-et

Debati vazhdoi edhe me çështje të tjera, dhe Trump tha se nëse do të fitonte, ai do të emëronte një prokuror të hetonte Hillary-n dhe se do ta dërgonte atë në burg për përdorimin e email-eve të saj private në Departamentin e Shtetit.
“Çdo gjë që ai thotë është absolutisht e rremë, por nuk befasohem,” iu përgjigj Hillary.
“Është mirë, që dikush me temperametin e Donald Trump nuk është në krye të ligjit të vendit tonë,” tha ajo, ndërkohë që duke i ndërprerë fjalën Trump i tha: “Sepse do të ishe në burg”.

Konflikti në Siri dhe emigrantët

Dyshja konkuruese gjithashtu debatoi për konfliktin në Siri, agresionin rus, dhe planin e tij për një “verifikim ekstrem” të emigrantëve që vijnë nga vendet e lidhura me terrorizmin.
Trump: “Nuk më duket e arsyeshme që në shtëpinë tonë të fusim njerëz që as nuk i njohim, nuk e dijmë nga vijnë, çfarë qëllimesh kanë, dhe a e duan vendin tonë”.

Hillary Clinton: “Para pak ditësh pashë një djalë të gjakosur nga sulmet ajrore ruse në Siri. Është vlerë e vendit tonë që t’i ndihmojmë njerëzit në nevojë. Qeveria siriane po mbështetet nga toka nga Irani dhe nga ajri nga Siria. Dhe jemi ne me aleatët tanë që duhet t’i ndihmojmë forcat rebele”.
Mbrëmja u mbyll kur një anëta i audiencës u kërkoi kandidatëve të thonë diçka pozitive për njëri-tjetrin.
Clinton tha se fëmijët e tij ishin një reflektim i madh për të, ndërsa Trump e quajti kundërshtaren e tij një “luftëtare” që nuk dorëzohet kurrë.
Pas debatit

Një orë pas debatit, Trump u shfaq në një konferencë për shtyp me tri femra, për të cilat ai tha se ishin sulmuar seksualisht nga Bill Clinton.
Të paktën 33 republikanë të lartë, përfshi senatorë, anëtarë të Kongresit dhe guvernatorë të shtetit, kanë tërhequr mbështetjen e tyre për Trump pas videos së dalë të premten./ora