Trump thirrje të sëmurëve: “Nuk dua t’ia di, çohuni dhe votoni”

Kandidati republikan për Shtëpinë e Bardhë, Donald Trump, ka vijuar kursin e fjalimeve të tij befasuese, pasi kërkoi votën e personave që vuajnë nga sëmundje terminale. Gjatë një aktiviteti të fushatës së tij presidenciale në Nevada, ai tha se “nuk më bëhet vonë nëse keni edhe dy javë kohë, çohuni dhe votoni për mua.”

“Nuk dua të di sesa të sëmurë jeni. Nuk dua t’ia di nëse sapo jeni kthyer nga doktori dhe ju ka dhënë diagnozën më të rëndë, duke ju thënë se keni vetëm dy javë kohë. Mbahuni deri me 8 Nëntor dhe çohuni e votoni. Ne më pas do të themi, ju duam shumë dhe do ju kujtojmë përherë.”

Mungesa e taktit në fjalimet e tij, duket se i ka ulur shanset e republikanit për të ardhur në krye të Shtëpisë së Bardhë.

Një sondazh i Reuters, bërë publik të mërkurën, sugjeronte se kandidatja demokrate Hillary Clinton është 6 pikë në avantazh nga rivali i saj, Trump.

Tv Klan