Turqi: 15-vjeçarja vdes dy ditë pas lindjes së foshnjës

Një vajzë e re ka vdekur në Turqi si pasojë e gjakderdhjes në tru, dy ditë pasi që kishte lindur një foshnje në moshën 15-vjeçare

Gjakderdhja, që mendohet se e ka vrarë atë, besohet se ka lidhje me atë se ajo ka lindur para kohe, transmeton Express.

E njohur vetëm si Derya B, vajza ishte martuar në një ceremoni fetare në moshën 14-vjeçare.

Pasi që ka lindur foshnjën në një fshat në rrethinën Mukti në Turqi, vajza është dërguar në spitalin “Batman” në lindje të Turqisë, me komplikime, vjellje dhe kokë dhimbje.

Ajo ishte futur në kujdes intensiv, por fatkeqësisht ka vdekur aty më vonë.

Prokurorët kanë nisur një hetim ndaj vdekjes së saj, ndërsa trupi i saj është dërguar për një autopsi për të parë cili ka qenë shkaktari kryesor i vdekjes së saj./Express/