U përdhunua në Itali, flet Besjana Kosturi: Ju rrëfej tmerrin, ja përse nuk qava

Besjana Kosturi, vajza shqiptare që përjetoi një situatë të tmerrshme pak muaj më parë në Itali, ka folur rreth kësaj teme të dhimbshme.

Në studion e Rudina Magjistarit në tv Klan, Besjana Kosturi ka rrëfyer se si u përdhunua nga dy rumunë në Itali, të cilët ishin të dehur.

Ajo është shprehur se nuk ka qarë, por bisedoi me dy agresorët në mënyrë që ata të mos e vrisnin.

?“Më dhanë edhe drogë për të pirë, por ka qenë një luftë me nervat e mia, pasi kam ruajtur gjakftohtësinë, sepse ata vetë ishin të droguar. Unë nuk fillova të bërtisja apo të qaja. Fillova të bisedoja, që ai të qetësohej.

Dua të shkruaj një libër për ato vajza që kanë përjetuar këto situata dhe si të dalin prej tyre. Këta njerëz pavarësisht se janë të droguar, ndjenjë frikë dhe nëse ke përdhunuar një vajzë do shkosh në burg, ndaj ata mund të më vrisnin”, tha Besjana.