Uragani Matthew godet ishujt e Amerikës Qëndrore

Uragani Matthew ka prekur ditën e martë ishujt e Amerikës Qëndrore dhe dëmet më të mëdha janë ndier në Haiti, ku dëmet materiale rezultojnë të shumta dhe deri tani dy të vdekur. Uragani i shkallës së katërt ka shkëputur pjesën jugore të Haitit pasi ka shkatërruar urën e cila lidhje atë me pjesën e kryeqytetit.

Pamjet tregojnë tmerrin që është shkaktuar, pemë të prera, rrugë të përmbytura dhe njerëz në rrugë që kërkojnë ndihmë.

Haiti po përballej me një varfëri të skajshme që nga tërmeti i vitit 2010, ku 10,000 njerëz ishin duke jetuar nëpër strehimore. Sipas Unicef-it më shumë se 4 milionë fëmijë janë të rrezikuar nga sëmundje që përhapen nga uji. Matthew tani ka kaluar në pjesën veri-lindore të bregdetit të Kubës dhe po drejtohet kah Florida.