Ushqen të birin 11 muajsh vetëm me fruta dhe lajthi, nëna përfundon në gjykatë

Ushqeu të birin vetëm me fruta dhe lajthi, nëna përfundoi në gjykatë. Elizabeth Hawk, 33 vjeçe, akuzohet se ka vënë në rrezik shëndetin e djalit të saj 11 muajsh, pasi e ushqeu vetëm me fruta dhe lajthi, duke i mohuar çdo lloj ushqimi tjetër.

Gruaja amerikane nga Virginia, refuzonte që t’i jepte të birit ushqim tjetër, duke e konsideruar të dëmshëm për shëndetin e tij, por regjimi ushqimor që ndiqte për të ishte i papërshtatshëm për moshën e mitur, duke bërë që i vogli të sëmuret.

Denoncimi ndaj gruas, siç raporton noa.al, u bë nga babai i të voglit, Jerry Hawk, i shqetësuar për shëndetin e të birit.

Vogëlushi u transportua në spital, ku u diagnostikua me probleme në aparatin tretës dhe alergji komplekse, për shkak të ushqimit të papërshtatshëm. Vogëlushi jetonte me nënën, pas ndarjes së prindërve, por kur babai i tij kuptoi se çfarë po ndodhte vendosi që ta denoncojë. Tashmë Elizabeth rrezikon një proces gjyqësor, ndërkohë që momentalisht kujdestaria e të voglit ju dha babait, ashtu si dhe e dy fëmijëve të tjerë.