Varrezë masive në Meksikë me gati 600 trupa ushtarësh

Meksika është tronditur mbrëmjen e djeshme pas zbulimit të varrezës më të madhe të zbuluar deri më tani në vend.

Mbetjet mortore të mbi 600 trupave janë gjetur në një varrezë masive, lajmëruan mbrëmë mediat lokale.

Varreza është zbuluar në afërsi të Toreon, një nga qytetet më të rrezikshme në botë.

Në një sipërfaqe prej 16 hektarëve në komunën San Pedro, afër Toreon, janë gjetur eshtra, veshmbathje të groposura të mbi 600 vikimave, raportoi “Notimundo Njus”, duke iu referuar grupit “Vida”, organizatë joqeveritare e cila i përfaqëson anëtarët e familjeve të personave të zhdukur.

Përfaqësuesja e grupit Silvia Oric deklaroi se mbetjet u janë dërguar autoriteteve për shkak të identifikimit.

Sipas të dhënave zyrtare, rreth dy mijë njerëz janë zhdukur në përleshjet e pakontrolluara të grupeve kriminele të cilat merren me prodhim, kontrabanim dhe tregti të narkotikëve.