Vdes punëtori shqiptar në Greqi, u rrëzua në kazanin e rrushit

Një 34-vjeçar shqiptar ka humbur jetën në Greqi duke punuar në kazanët e fermentimit të rrushit. Mediat greke bëjnë me dije se shqiptari në qytetin e Vollos po transportonte rrush nga kazani më i madh në kazanin më të vogël.

Babai i dy fëmijëve u hutua nga çlirimi i gazrave dhe i rëshkiti këmba duke u rrëzuar në kazanin 3 metra të thellë.

Emigranti shqiptar nuk mundi të mbijetonte dhe ndërroi jetë menjëherë për shkak të mbytjes dhe bllokimit të rrugëve të frymëmarrjes.

Identiteti i tij nuk është bërë i ditur, e megjithë ndihmën e shpejtë që i dhanë punëtorët e tjerë, 34-vjeçari s’mund të mbijetonte.