‘Veliaj thellon inkriminimin, mohon vrasjen e Arditit, merr në mbrojtje të kërkuarin nga drejtësia’

“Mbrëmë në Top Story, Erion Veliaj, jo vetëm nuk mbajti asnjë përgjegjësi për vdekjen e Ardit Gjoklajt në landfillin e tij korruptiv e kriminal, por mori në mbrojtje edhe partnerin në biznes, kryesocialistin peqinas, të shpallur në kërkim por të mbrojtur nga Edi Rama, Edurim Teqja.”

Deklaratë e kreut të Këshilltarëve të PD në Bashkinë e Tiranës, Leonard Olli

Veliaj vazhdon të mohojë vrasjen tragjike të 17-vjeçarit, dhe kërkon tia hedhë përgjegjësinë aleatit LSI, që drejton Inspektoriatin e Punës.

Por prokuroria nxjerr bllof Kryetarin e Bashkisë së Tiranës, pasi në hetimet që ka bërë, rezulton se 17-vjeçari Ardit Gjoklaj është vrarë brenda kompanisë “3R” nga një fadromë që drejtohej nga një punonjës i kësaj firme.

“Nga veprimet e para hetimore rezulton se shtetasi Ardit Gjoklaj ishte punëtor sezonal në landfillin e Sharrës, i pa regjistruar, por i punësuar nga firma “3R” sh.p.k, e cila është një firmë e nënkontraktuar dhe merret me përpunimin dhe riciklimin e mbetjeve urbane, i cili edhe në momentin e gjetjes së tij ishte i veshuar me rrobat e punës. Ky shtetas kishte 1 muaj që kishte filluar punë.”– shprehet organi i akuzës.

Veliaj vijon me mashtrimin e tij duke thënë se 17-vjeçari ka vdekur shumë larg territorit të kompanisë.