Vëllai i bën thirrje terroristit Salah Abdeslam që ta thyejë heshtjen

Vëllai i të dyshuarit kryesor të mbijetuar nga sulmet xhihadiste në nëntor të vitit të kaluar në Paris, i ka bërë thirrje vëllait të vet që të flasë në gjykatë.
Javën e kaluar, dy avokatë thanë se nuk do të mundë ta përfaqësojnë më Saleh Abdeslamin, sepse ai po vazhdonte të heshtte dhe po refuzonte të bashkëpunonte rreth hetimit, transmeton Express.

“I kërkoj vëllait tim që të flasë”, ka thënë Mohamed Abdeslam për radion franceze RTL.

Ai ka thënë se dëshiron ta dijë se çfarë ka ndodhur saktësisht para dhe pas sulmeve, në të cilat 130 njerëz humbën jetën.

ISIS ka qenë pas sulmeve të bashkërenduara në lokale, restorante, në sallë koncerti dhe në stadiumin “Stade de France”.

Saleh Abdeslam, si i dyshuari kryesor, ka refuzuar të flasë në gjykatë për sulmet, deri tani.