Venezuela sfidon ‘Nobelin’, krijon një çmimi për Paqe dhe ia jep …Vladimir Putin

Presidenti i Venezuelës ,Nicolas Maduro, deklaroi të premten, krijimin e çmimit të paqes për nder të udhëheqësit të famshëm socialist, Hugo Chavez, dhe tha se do të nderonte me këtë cmim Presidentin rus, Vladimir Putin.

Njoftimi erdhi në të njëjtën ditë që Komiteti Nobel i dha çmimin vjetor për Paqe, Juan Manuel Santos, presidentit të Kolumbisë fqinje, transmeton SYRI.net, kjo për rolin e tij në negocimin e një marrëveshje paqeje me rebelët marksistë të FARC-ut.

“Unë kam vendosur që të krijoj çmimin “Hugo Chavez” për paqe dhe sovranitetit”, tha Maduro gjatë një transmetimi televiziv ku edhe zbuloi një statujë të Chavez, të projektuar nga një artist rus.

“Mendoj se presidenti Vladimir Putin e meriton këtë çmim”, tha ai, duke e përshkruar Putinin si një “luftëtar paqeje.”

Maduro tha se fituesi i çmimit do të marrë një kopje miniaturë të statujës, raporton “Reuters”

Theksojmë se gjatë sundimit 14-vjeçar të Chavez, Venezuela haptazi ka sfiduar dominimin e Uashingtonit në rajon, transmeton SYRI.net, duke ndërtuar aleanca me kundërshtarët tradicionalë të Shteteve të Bashkuara, duke përfshirë Rusinë dhe Kinën.