Vlorë, sekuestrohen 300 bimë narkotike të thara në një stallë. Pranga pronarit, procedohen 10 “punëtorët”

Policia ka sekuestruar rreth 300 bimë narkotike të thara në një objekt (stallë) si dhe 2 kg e 100 gr, të llojit marijuanë ndërsa ka arrestuar në flagrancë pronarin e objektit Erion Dëma, 32 vjeç, banues në fshatin Bunavi, Vlorë. Gjithashtu policia ka proceduar në gjendje të lirë 10 shtetas të tjerë.

Policia e Vlorës, në bazë të informacioneve të siguruara në rrugë operative se Erion Dema, dispononte lëndë narkotike në një objekt, që e përdorte si stallë, menjëherë ka shkuar dhe ka ushtruar kontroll në objektin e këtij shtetasi në fshatin Bunavi të Vlorës.

Nga kontrolli i ushtruar jane gjetur rreth 300 bimësh të thara dhe 2 kg e 100 gr, e llojit Marijuanë (në një stallë ngjitur me banesën e tij).

Policia ka arrestuar në flagrancë pronarin e objektit shtetasin Erion Dëma për veprën penale “Prodhimi dhe shitja e narkotikëve”.

Gjithashtu, në këtë stallë janë gjetur edhe 10 shtetas të tjerë, në statusin e “punëtorëve” për të cilët Policia ka filluar procedimin penal për “Moskallëzim krimi”.