VIDEO/ 11 kg drogë poshtë sedilieve të mjetit, arrestohet i riu në Portin e Durrësit

DURRES- Sekuestrohen në Portin e Durrësit 11 kg marjuanë, ndërsa në pranga ka rënë një 25-vjeçar. Burime zyrtare nga policia bënë me dije se bëhet fjalë për Jurgen Marku, banues në Tiranë.

Të njëjtat burime pohuan se gjatë kontrollit të ushtruar në Portin e Durrësit në automjetin tip ‘Benz’, Fuoristradë, me targa AA 503 OZ, në dyshemenë e mjetit, poshtë dy sedileve, u gjetën dhe u sekuestruan në cilësinë e provës materiale 18 pako të mbështjella me celofon me rreth 11 kg lëndë narkotike.

Materialet do ti kalojnë Prokurorisë pranë Gjykatës së Shkallës së Parë për Krimet e Rënda, Tiranë për veprime të mëtejshme, për veprën penale “Trafikimi i lëndëve narkotike” e mbetur në tentativë.
(ed.me/BalkanWeb)