VIDEO/ Brenda magazinës së drogës, ja punishtja ku kanabisi bëhej gati për shitje

KRUJE- Në një punishte jo shumë larg rrugës nacionale, në fshatin Derven të Krujës, kultivuesit vijonin të qetë punën për përpunimin e kanabisit, dhe përgatitjen e tij për shitje. Mbrëmjen e djeshme gjatë një operacioni antidrgoë, u bë i mundur zbulimi i një sasie të konsiderueshme kanabisi gati për shitje, ndërsa paraditen e sotme u vunë në pranga 11 persona.

Bëhet fjalë për 1.3 ton kanabis sativa, që ishte në proces tharjeje dhe do të përpunohej për t’u bërë gati për tregtim.

Një video brenda magazinës së drogës, tregon qartë mënyrën sesi ishin përshtatur ambientet e punishtes për të realizuar proceset e ndryshme për tharjen dhe përgatitjen e drogës.