Video/ Eurosport parashikon: Ja rezultati i saktë i ndeshjes Shqipëri-Spanjë

“Eurosport”, filiali spanjoll i këtij gjiganti europian të transmetimeve televizive sportive, përmes një “highlights” video-montazhi të supozuar të ndeshjes Shqipëri-Spanjë, ka “zbuluar” rezultatin dhe autorin e golit.

Sipas tij, ky ballafaqim mbyllet me fitoren minimale të “La Roja”, teksa golin e shënon David Silva. Duke shkruar për orarin dhe televizionin që e transmeton këtë ndeshje kualifikuese të Grupit G, “Eurosport”, filiali spanjoll, njofton:

“Ndeshja mes Shqipërisë dhe Spanjës luhet të dielën, më 9 tetor, në orën 20:45. Te cili kanal televiziv mund ta shihni? Te “LA1” i TVE.

Ju, gjithashtu, mund ta shikoni në internet, në faqen zyrtare të televizionit publik. Kombëtarja e Shqipërisë arriti fitoren e saj të dytë në fazën e grupeve, duke fituar 2-0 ndaj Lihtenshtejnit dhe qëndron në krye, me 6 pikë të plota, para Spanjës dhe Italisë. Pas suksesit ndaj Maqedonisë (2-1), kuqezinjtë nuk dështuan në ndeshjen e tyre të dytë dhe fituan ndaj një rivali teorikisht më të lehtë. Spanja, ndërkohë, ka katër pikë, pasi mundi në start Lihtenshtejnin (8-0) dhe barazoi me Italinë dy ditë më parë (1-1).”/telesport.al

https://youtu.be/etmtJ05eLuY