Video/ Franca hap “dhomën e drogës”

Përdoruesit e drogës në Francë mund të drogohen nen mbikëqyrjen mjekësore në atë që njihet si “dhoma e drogës”.

Ky është projekti me i ri, tejet kontradiktor, që është ndërmarrë nga autoritet franceze për të shmangur jo vetëm sëmundjet, që mund të transmetohen nga shiringat e drogës, por edhe komplikacionet pas përdorimit të substancave të rënda narkotike.

Për dhomën e drogës është krijuar një pavion i ri brenda një spitali. Pavioni në fjale ka një hyrje të veçante ku garantohet privatësia për tu droguar dhe ku mes të tjerash, përdoruesit e heroinës mund të ndërrojnë substancën me zëvendësues farmaceutik, si dhe mund të marrin shiringa sterile.

Përdoruesit e drogës do të jenë gjithë kohën në vëzhgim mjekësor si dhe do të kenë kontakt të vazhdueshëm me punonjës social, të cilët mund t’i ndihmojnë kur të jenë gati të heqin dorë nga droga.

Franca behet kështu vendi i 10 në botë që hap “dhoma droge”, pas Zvicrës e cila nisi një iniciative te tillë në vitin 1986./TV KLAN