Video/ Ja ku përpunoheshin tonelatat me hashash, buzë rrugës kombëtare

Vetëm pak metra larg rrugës kombëtare Tiranë-Fushë Krujë-Milot gjendet kjo punishte hashashi (pamjet me poshte). Në fshatin Derven të Thumanës ishin grumbulluar plot 1.3 ton lëndë narkotike që thaheshin dhe bëheshin gati për transport jashtë shtetit.

Pranë Tiranës, pranë aeroportit të Rinasit dhe portit të Durrësit trafikantët kishin arritur të ngrinin industrinë e hashashit. Nën hundën e policisë dhe në sytë e të gjithëve; banorëve apo udhëtarëve të shumtë, pasi rruga lidh veriun e vendit me Tiranën por edhe me Kosovën, etj.

Aksioni i policisë nisi dje dhe përfundoi sot me sekuestrimin e 1.3 ton lëndë narkotike Cannabis Sattiva. Sipas policisë janë arrestuar 11 persona, por nuk cilësohen se cilat janë akuzat që rëndojnë mbi to. Dyshohet se janë thjesht punëtorë të drogës dhe jo trafikantët.

Lista e të arrestuarve: 

1. Erjon Vathi, 27 vjeç, banues në Derven, Krujë;
2.Ferit Sula 45 vjeç lindur në Burrel;
3.Ali Kuçi 19 vjeç, banues në Milot;
4.E.N. 16 vjeç, banues në Derven, Krujë;
5.Besmir Vathi 18 vjeç, banues në Derven, Krujë;
6.Erald Bardhoku 29 vjeç, banues në Derven Krujë;
7.Kujtim (Valentin) Rexhepi (Smykalova)48 vjeç, banues në Fushë- Krujë;
8.Gazmir Gjokea 29 vjeç, banues në Derven Krujë;
9.Nilson Gega 26 vjeç, banues në Derven, Krujë;
10.Gjovalin Gjokea 47 vjeç, banues në Derven, Krujë;
11. Aurel Gjokeja 22 vjeç, banues në Derven, Krujë.

Po kështu përpos sasisë së madhe të drogës janë gjetur dhe 6 armë në magazinën e kanabisit. Janë sekuestruar edhe mjetet që përdoreshin për transportin e drogës dhe të punëtorëve.

Mjetet e sekuestruara: një kamionçinë tip Iveko me targa AA 216 DD; një furgon me targa AA 057 GL;  një Sharoon me targa AA 762 DH; një makinë Ford Fokus me targa AA 126 FL; një autoveturë tip BMë me targa AA 747 OL.

Hetimet për këtë trafik të madh droge i kanë kaluar Krimeve të Rënda.

vlcsnap-2015-11-03-11h42m04s240-640x340-550x292-1 vlcsnap-2015-11-03-11h42m04s240-640x340-550x292