VIDEO/ Magazina e hashashit në Krujë, jo larg zyrës së Artur Bushit

ABC News me anë të një skeme grafike tregon vendodhjen e magazinës, shumë pranë rrugës nacionale dhe jo larg zyrës së kryetarit të bashkisë së Krujës, i akuzuar nga opozita si drejtues i këtij rrjeti. Gjithashu skema tregon edhe largësinë e kësaj magazine me policinë e Fushë-Krujës dhe vendit të uljes së avionit në Ishëm.

Sasia e drogës prej 1300 kg hashash e sekuestruar pasditen e së martës në Derven të Krujës ndodhej në këtë magazinë të përshatur për proçesin e tharjes së kanabisit.

ABC News ka ndërtuar me grafik, vendndodhjen e saj, që siç duket është vetëm 100 metra nga rruga kombëtare Fush-Krujë – Thuman. Edhe pse brenda saj punonin çdo ditë mbi 30 gra, ajo nuk kishte rënë në sy të policisë lokale.
Opozita, publikisht ka akuzuar si drejtues të këtij rrjeti dhe pronar të kësaj sasie droge kryetarin e bashkisë së Krujës Artur Bushi. Zyra e të cilit ndodhet vetëm 8 km larg vendin ku ëshët gjetur sasia e drogës.
Por edhe posta e policisë që ndodhet në Fushë-krujë ndodhet në një distancë shumë të afërt, vetëm 3.5 km larg saj dhe përsëri asnjë informacion nga policia për këtë kapanon të tharrjes së hashashit.

Dyshimet janë se edhe avioni i rrëzuar në Ishëm të Durrësit si pasojë e dëmtimit të rrotës, mund të ketë ardhur për të transportuar drogën që është kultivuar në zonën e Krujës, ku nuk përjashtohet edhe rasti i Dervenit. Sipas kësaj grafike, largësia nga vendi ku u gjet sasi prej 1.3 ton drog me pistën e përshatuar për uljen e avionëve të vegjël në Ishëm ndodhet vetëm 14 km larg.
Pavarëissht këtyre të dhënave, ligji ngarkon me përgjegjësi penal të gjithë ata kryepleq apo drejtus të njësve administrative, të cilët nuk denoncojnë kultivimin e hashashit në zonat e tyre. Ndërkohë vetë policia në disa raste selektive, ka pezulluar drejtues policie për shkak të lejimit të ngritjes së parcelave të hashashit në zonat e tyre, por që në rastin e Fushë-Krujës nuk kemi një veprim të tillë nga policia.

Për këtë sasi droge, me urdhër të prokurorisë, tashmë janë arrestuar 11 persona, të dyshuar si organizatorë, financues, kultivues, transportues, punëtorë dhe roje të kësaj magazine të përjashtuar për tharjen dhe krasitjen e hashashit.
Sekuestrimi i 1.3 ton drogë në Krujë, zbardhen rolet e 11 të arrestuarve

Prokuroria për Krimet e Rënda zbardh rolet e 11 të arrestuave gjatë aksionit të sekuestrimit të 1.3 ton kanabis në Krujë, ditën e mërkurë.

Sipas hetuesve, organizatorët e kësaj veprimtarie kriminale janë tre anëtarët e fisit Gjokeja, Gjovalini, Aureli dhe Gazmiri, të cilët u arrestuan në një lokal në një zonë larg magazinave të drogës.

Ata ishin në përgjim prej Korrikut nga prokuroria dhe gjatë kësaj kohe është dokumentuar e gjithë veprimtaria e tyre.

Gjokeajt, sipas prokurorisë, janë filmuar duke hyrë në kapanone dhe janë përgjuar në telefona, ku janë kapur biseda të ndryshme për trafikimin e drogës.

Kujtim Rexhepi, rezulton se është pronari i dy ambienteve të cilat janë përshtatur për tharjen e lëndës narkotike dhe presimin e saj.

Minoreni me inicilaet E.N mësohet se do të lirohet. Ndërsa pjesa tjetër e të ndaluarve ishin të punësuar në transportin e drogës nga parcelat në magazina dhe paguheshin nga 30-50 mijë lekë të vejtra në ditë.

Burimet bëjnë me dije se në kapanone punonin afro 30 persona, njerëz të besuar të organizatorëve, të cilat ishin shumica gra. Pjesa më e madhe e punës kryhej natën.