VIDEO/60 orë punë për t’i pastruar shtëpinë pensionistes që nuk e lante prej 13 vitesh. Ju a do e bënit?

Një pensioniste shëndetlig që nuk e kishte larë për 13 vite dhe kishte jetuar në një banesë të pistë, deri edhe me fekale kudo, i është transformuar jeta nga mirësia e fqinjës, e cila kaloi 60 orë me pastrimin e apartamentit të saj.

Lucy Ashen, nënë e tre fëmijëve nga Fulham, kishte jetuar ngjitur me pensionisten për 21 vjet, por vetëm kohët e fundit zbuloi gjendjen “’absolutisht e tmerrshme” të apartamentit me një shtrat në jug-perëndim të Londrës.

Pasi u përpoq disa për të hyrë në banesë, gruaja e moshuar më në fund e lejoi 39-vjeçaren të hynte në shtëpinë e saj, ndërsa vetë doli jashtë.

Zonja Ashen u shokua nga gjendja e shtëpisë së të moshuarës dhe vendosi të merrte situatën në dorë dhe kaloi pothuajse një javë duke e pastruar shtëpinë, raporton Daily Mail.

Ajo bëri thirrje për ndihmë në internet dhe të huaj nga e gjithë bota dhuruan ushqime të mjaftueshme dhe mobilje për të mbushur dollapët e saj dhe shtëpinë.

Nëna e 3 fëmijëve tha: Kisha pak kohë që e kisha kuptuar se ajo jetonte në kushte mjaft të këqija, por mu desh kohë që të fitoja besimin e saj që të më lejonte të hyja në shtëpinë e saj.
“Ajo që zbulova ishte e tmerrshme- totalisht e tmerrshme. Mbeta e shtangur. Kishte fekale kudo”, ka thënë gruaja.

“Askush nuk mund të lihet të jetojë në atë gjendje. Ajo nuk ka familje dhe miq”, tha ajo.
39-vjeçarja ishte aq e tmerruar saqë e pyeti të moshuarën, të cilën e thërriste “Zonja ime”, nëse mund tja pastronte apartamentit.

Ajo tha: Unë i kam hequr të gjitha mobiljet e vjetra, i lashë vetëm një shtrat dhe banjën.
Gruaja kaloi 10 ditë duke hequr mobiljet e vjetra dhe duke pastruar apartamentin, ndërsa vajza 14-vjeçare i bënte shoqëri të moshuarës.

Ato gjithashtu i bënë gruas që kishte probleme të shëndetit mendor, banjën e saj të parë në 13 vjet.
Zonja Ashen tha: “Nuk lëvizte dot kollaj, kështu që unë e ndihmova. I bëra një banjë dhe e pastrova, ndërsa vajza ime i krehu flokët. Fqinja i rregulloi edhe televizorin si dhe bëri një apel në internet për ndihma. Nga e gjithë bota pati reagime, madje edhe nga Amerika dhe Tajlanda shprehën dëshirën ta ndihmonin.

Ajo u habit nga gatishmëria e njerëzve për të kontribuuar me mobilje dhe rroba.
“Mendoj se ka prekur ndjenjat e njerëzve. Ajo mund të ishte nëna juaj, mund të ishit ju. Mund të jem unë pas disa viteve”, tha zonja Ashen.

Ajo është në proces të kompletimit dhe rinovimit të gjithë apartamentit, ndërsa ka hapur një faqe në Facebook “Unë dhe Zonja ime” ku paraqet progresin e saj. Deri tani faqja ka 50 mijë ndjekës.54eeb87089cd7dff9dc9d37f66568443_xl 3920cd0200000578-0-image-m-5_1475741172054