Vlorë, 3 persona i japin ryshfet policëve për t’i shpëtuar gjobës

Tre persona janë arrestuar në Vlorë pasi tentuan të korruptonin punonjësit e policisë rrugore duke i dhënë ryshfet për të mos u gjobitur.

Në pranga ranë Ylli Zanaj 54 vjeç, i cili tentoi t’i jepte 2 mijë Lekë të reja policit, pasi nuk dispononte patentë.

Në pranga ra dhe Ëngjëllush Pasho 22 vjeç që tentoi të korruptonte efektivin me 1 mijë Lekë për t’i shpëtuar gjobës për mungesë dokumentacioni të mjetit.

U arrestua gjithashtu dhe Koron Muhaxhiri 46 vjeç, që tentoi t’i jepte ryshfet 500 Lekë të reja policit, pasi nuk kishte vendosur rripin e sigurimit.