Vogëlushja rrëmbehet në krevat, pamjet e kamerave

Kamerat e sigurisë fiksuan pamjet teksa një burrë shihet në krahë të Rebecca Lewis, vogëlushja 4- vjeçare, e cila u zhduk të shtunën e kaluar nga shtëpia e saj në Lakeland, të Florida, SHBA. Vogëlushja u rrëmbye nga krevati i saj, nga një mik i familjes me emrin Wild West Hogs.

E mitura siç raporton noa.al, për herë të fundit që u pa ishte në dhomën e gjumit me motrën 16- vjeçare, ndërsa filmimi që është publikuar është fiksuar 400 milje larg vendit të rrëmbimit.

Menjëherë pas zhdukjes së të miturës policia ofroi një shpërblim prej 3 mijë dollarësh për këdo që jep informacionin për gjetjen e vogëlushes.

Hogs në të vërtetë është Matthew Clark Pybus, por mësohet se ka ndërruar emrin. Prindërit dhe gjyshja e së voglës bën një apel në televizion me shpresën se do kthehet në shtëpi.

“Duam vetëm që vajza të kthehet në shtëpi e sigurtë. Ajo është shumë e dashur, ju lutem na e ktheni”, thuhet në apelin e familjarëve.