Vrasja në Shëngjergj, ja i ndaluari

Policia e Tiranës vijon t’i qëndrojë versionit se 36-vjeçari, Besnik Pudja, është vetëvrarë me një pistoletë tip “TT” që u gjet pranë tij.

Mbrëmjen e së enjtes, dy persona janë ndaluar në Shëngjergj, në lidhje me vdekjen misterioze të Besnik Pudjes, të gjetur me plagë plumbi në kokë, pasi, sipas burimeve nga grupi hetimor, nuk e denoncuan ngjarjen në Polici.

Ata janë Alges Liçi, 19 vjeç, banues në Tiranë dhe Dritan Buzo, 30 vjeç, banues në Tiranë, i dënuar më parë. Po kështu, është shpallur në kërkim edhe Halit Dusha, 47 vjeç.

Si dhe është bërë shpallja në kërkim i shtetasit, Halit Dusha, 47 vjeç, banues në Tiranë. “Panorama” sjell foton e Dritan Buzos, 30 vjeç.

Ka qenë Alges Liçi ai që është plagosur në shpatull nga plumbi që vrau Besnik Pudjen.

Edhe vetë i ndaluari e ka shpjeguar se ngjarja ishte vetëvrasje. Megjithëse tregohen shumë të rezervuar në lidhje me informacionet rreth ngjarjes, burimet pranojnë se objekti ku u gjet i vetëvrarë Besnik Pudja, ishte në ndërtim e sipër dhe nuk përjashtohet mundësia që mund të përdorej si magazinë për bimë narkotike.

Këtë e kanë pohuar para oficerëve të Policisë edhe dy të ndaluarit, që po kërkoheshin prej më shumë se 3 ditësh në malet e Shëngjergjit.

Ata kanë pohuar se ndodheshin aty, pasi i kishte thirrur Besnik Pudja, për të ndërtuar magazinën, por pa e përcaktuar se për çfarë do të përdorej.