Vrasja në Shëngjergj/ Lihet në burg i dyshuari i tretë: S’kisha njohje me Besnik Pudjan

TIRANE- Gjykata e Tiranës ka caktuar masën ‘arrest me burg’ për Halit Dushën, i cili u vu në pranga pas dyshimeve se fshihet pas vrasjes së ish-ushtarit profesionist Besnik Pudja në Shëngjergj të Tiranës. Nga salla e gjyqit Dusha, ndak të cilit rëndon akuza për ‘Kultivim të narkotikëve në bashkëpunim”, pohoi se nuk kishte njohje me viktimën Pudja, ndërsa tha se njihte vetëm Alges Liçin, një nga të akuzuarit se fsheh të vërtetën për këtë ngjarje. Ndër të tjera i pandehuri rrëfehu para togave të zeza se toka në fjalë është në pronësi të fisit, ndërsa ndodhet 10-15 km larg shtëpisë.

Ndërkohë, Alges Liçin dhe Dritan Buzon, të cilët janë arrestuar për këtë ngjarje, nuk kanë pranuar të japin shpjegime në Gjykatë. Në procesverbalin për ndalimin e të dyshuarve, thuhet se Algec Lici dhe Dritan Buzo, ndër të tjera kanë deklaruar se kanë qenë të pranishëm në momentin e ndodhjes së ngjarjes bashkë me viktimën Besnik Pudja dhe sipas tyre, ai është vetëvrarë duke luajtur me pistoletë.

Sipas tyre, Besnik Pudja, vazhdimisht qëllonte me armë zjarri automatik kallashnikov dhe më një armë tjetër zjarri pistoletë dhe se luante shpesh një lojë të quajtur “ruletë ruse”. Ata deklarojnë gjithashtu se janë punësuar nga Besnik Pudja, për të ndërtuar ambientin hambar me qëllim tharjen e bimës narkotike, të cilët ai e kishte kultivuar në afërsi të vendit, ku është ndërtuar hambari.

Të dyshuarit kanë refuzuar të firmosin procesverbalin e policisë, për arsye ende të paqarta. Ndërkohë prokuroria është në pritje të ekspertizës mjekoligjore, nga e cila do të vërtetohet nëse Besnik Pudja, është vrarë apo vetëvrarë.