Vritet me plumb në kokë gjykatësi meksikan që hetonte mbi tregtinë e drogës

Një gjykatës federal meksikan i specializuar për raste të cilat lidhen me tregtinë e drogës është vrarë mbrëmë në Meksiko.

37 vjeçari, Vinsente Antonio Bermudas, gjykatës në qytetin Toluka është qëlluar me plumb në pjesën e kokës sapo ka dalë nga shtëpia e tij në afërsi të qytetit Metepak, në shtetin federal Meksiko.

Ai ka ndërruar jetë në automjetin e ndihmës së shpejtë rrugës për në spital.

Presidenti Enrike Penja Nieto deklaroi në fjalimin televiziv se e ka urdhëruar kryeprokurorin që ta hetojë rastin.

Bermudes nga muaji mars është marrë me vepra federale për tregti me drogë në Meksiko.

Ai i ka shqyrtuar disa ankesa të shtruara nga avokatët e shefit të kuartelit “Sinaloa”, Hoakin El Çapo Gusman dhe Migel Trevino, ish­-shef i kuartelit “Setas”.