Vuçiç: Shqiptarët, njerëz të besës!

Në dyvjetorin e ngritjes së dronit në ndeshjen mes Serbisë dhe Shqipërisë, marrëdhëniet mes dy vendeve duken ndryshe.

Kryeministri serb, Aleksandër Vuçiç tha se shqiptarët janë njerëz të besës gjatë Forumit të Biznesit Shqipëri-Serbi në qytetin e Nishit.

“Shqiptarët janë njerëz të besës, prandaj duhet punuar me ta”.

“Dua të inkurajoj njerëzit tanë të shkojnë në Shqipëri, të ndërtojnë objekte turistike, të krijojnë kompani të përbashkëta. Shqiptarët e mbajnë fjalën dhe janë njerëz të mirë dhe të punës. Unë jam ndoshta subjektiv, por dua t’u them se kjo është e mirë për Serbinë dhe punoni mirë me ta. I kuptojmë ndarjet politike, por duhet t’i kthehemi të ardhmes”, tha Vuçiç.