Zbulohen kodet e trafikantëve të drogës “Ta vjelim shalqirin, po kalbet, s’duron më”

Fjalitë “…Të vjelim shalqinin se po na prishet…”, apo “…nuk po tërheq makina…”, kanë qenë dy parullat e vendosura nga vetë grupi kriminal për të biseduar, lidhur me tharjen e lëndës narkotike dhe shitjes e saj.
Kur tregtimi i drogës nuk ecte siç duhej dhe kur blerësit ankoheshin për cilësinë e mallit, agjenti i policisë Renaldo Avduli merrte parullën nga Taulant Haxhiraj se miqtë po ankohen, pasi nuk tërheqet makina, shkruan Shqiptarja.com.

Me këtë fjalë, organizatorët e këtij grupi kriminal të jepnin përshtypjen se bëhej fjalë për shitjen e një makine, por në fakt ka qenë shitja e sasive të mëdha të drogës.

Blerësit ishin nga zona të ndryshme, nga Berati, Vlota dhe Italia, ndërkohë që çmimi përcaktohet 300 euro kilogrami.