Zbulohet lidhja mes reperit kosovar Capital T dhe shkaktarit të aksidentit në Durrës

Përveç jetës së natës, orëve të shtrenjta dhe makinave luksoze, 36-vjeçarit Dashnor Deliallisi duket se i pëlqente edhe shoqëria me këngëtarët.

Madje makinat, pasioni i tij duket se kanë lidhur me reperin kosovar Capital T. Miku i Dashnor Deliallisit ka zbuluar për JOQ se ai njihej me Capital T, madje edhe kanë bashkëpunuar me njëri-tjetrin në një nga videoklipet e reperit, ku ky i fundit ka përdorur makinën e 36-vjeçarit.

Videoklipi ku është e pasqyruar makina e të ndjerit është “Pare Pare”. Makina e bardhë tepër luksoze në të cilën shfaqet Capital T në fakt ka qenë e Dashnorit dhe kjo vërtetohet lehtësisht përmes targës (AA 979), targa që ka përdorur gjithmonë Dashnor Deliallisi.

Dashnori u bë shkaktar i aksidentit tragjik në Durrës, ku si pasojë viktima të këtij aksidenti ngelën tre shoqe të ngushta që ishin nisur drejt Greqisë, Greta Sherifi 23 vjeçe, Izabella Balla, 33 vjeçe, Elona Kaçibaros 34 vjeçe dhe vetë 36-vjeçari.