Zidane fjalë të mëdha për Cristiano Ronaldon

Pavarësisht se Cristiano Ronaldo nuk shënoi përballë Legias në Champions, nuk kanë munguar fjalët e mëdha të Zidanes në drejtim të portugezit.

Trajneri francez ka bërë të qartë që Ronaldo është më shumë sesa një golashënues duke ndihmuar skuadrën me lojë dinamike dhe asiste në drejtim të shokëve të skuadrës, shkruan e përditshmja spanjolle “Marca”, raporton Syri.net.

“Ajo që njerëzit duan nga Ronaldo është realizimi i shumë golave, por më e rëndësishme për mua janë rastet e krijuara dhe asistet që ka dhënë për shokët e skuadrës. Jam i bindur që shumë shpejt Ronaldo do të jetë një golashënues i padiskutueshëm, ashtu siç ka bërë deri tani”, u shpreh Zidane.