12 të vdekur e dhjetëra të plagosur nga zjarri në konvikt

Zyrtarët thonë se 12 persona e kanë humbur jetën dhe 22 të tjerë janë lënduar, pasi zjarri përfshiu konviktin e vajzave të një shkolle të mesme në Turqinë jugore.

Guvernatori i Adanas, Mahmut Demirtas ka thënë se në mesin e viktimave janë 11 studente, të moshave nga 11 deri në 14 vjeç, dhe një mësues.

Demirtas ka thënë se konvikti në rajonin jugor turk të Adanas ka pasur brenda 34 njerëz, ndërsa zjarri ka mundësi të jetë shkaktuar nga një problem elektrik.

Zyrtarët thonë se vajzat janë hedhur nga dritaret, për t’i shpëtuar zjarrit, por fatkeqësisht kanë gjetur vdekjen.

Zjarret janë ngjarje e shpeshtë në Turqi për shkak të vjetërsisë së objekteve dhe në disa raste, përdorimit të drurit dhe gabimeve në rrjetin elektrik. Por, janë raste të rralla kur zjarret kanë marrë kaq shumë jetë njerëzish./tvklan.al