7 muaj pas rrëzimit në liqen, zhvendoset helikopteri i ushtrisë

Shtatë muaj pas rrëzimit në Liqenin e Shkodrës, helikopteri i Ushtrisë është zhvendosur ditën e sotme. Më 6 prill të këtij viti, helikopteri “EC 145” u rrëzua në liqen, dhe si pasojë humbën jetën dy ushtarakë, ndërsa një i tretë mbeti i plagosur.

Helikopteri i Ushtrisë ishte nisur nga Farka, por gati dy orë pas nisjes, u përplas në ujërat e liqenit të Shkodrës, pranë fshatit Grizhë të Malësisë së Madhe, duke shkaktuar vdekjen e dy pilotëve, kapiten Florian Deliaj dhe toger Donald Hoxha, ndërsa i plagosur mbeti ushtari profesionist Gerald Baramuça.

Ditën e sotme u bë e mundur zhvendosja e helikopterit të ushtrisë, i cili u dërgua në Ministrinë e Mbrojtjes, raporton “BalkanWeb”.