AKK e detyron këshilltarin e Isa Mustafës që ta mbyllë biznesin privat

Aleksandër Bojeviç, këshilltar politik në zyrën e kryeministrit Isa Mustafa, është detyruar nga Agjencia Kundër Korrupsion që ta mbyllë biznesin e tij privat, pasi i njëjti kryente funksionin e konfliktit të interesit në ushtrimin e funksionit të tij publik, shkruan Gazeta Express.
Bojeviç figuronte i person i autorizuar në një biznes privat. Pas njoftimit nga AKK-ja, këshilltari i kryeministrit ka hequr dorë nga biznesi i tij, në mënyrë që të mund ta mbajë postin e tij në zyrën e Isa Mustafës.

“Pas kësaj shkrese zyrtari i lartë, z .Aleksandër Bojeviç, ka ardhur në takim, ku me zyrtarët e AKK-së është njoftuar me faktet dhe provat që posedon AKK-ja, lidhur me çështjen e iniciuar për konflikt të interesit. Më datë 24 tetor kemi pranuar dokumentet zyrtare ku konfirmohet se Aleksandër Bojevic ka hequr dorë nga biznesi i tij”, thuhet në njoftimin e AKK-së.