Aksident i katërfishtë në autostradën Tiranë-Durrës (Video)

Një aksident i katërfishtë ka ndodhur këtë të hënë në autostradën Tiranë-Durrës. Nga të dhënat paraprake mësohet se fatmiresisht nuk ka pasur viktima.

Burime nga policia rrugore bëjnë të ditur se në aksident janë përfshirë katër automjete, dy prej të cilave Mercedes Benz, njëra fuoristradë e tipit ML, një Fiat Punto si edhe një fuoristradë Honda.

Shkak i aksidentit raportohet të ketë qenë shpejtësia tej normave të lejuara, mos respektimi i distancës si edhe lagështia në rrugë.

Aksidenti ka shkaktuar në autostradën Tiranë-Durrës vështirësi në qarkullimin e mjeteve.