Aksident në Tiranë, autobusi i ‘Ali Demit’ përplas këmbësorin

Një aksident ka ndodhur mëngjesin e sotëm në Tiranë, ku një person ka mbetur i plagosur rëndë.

Burime nga policia thanë se autobusi i linjës Qendër-Ish-uzina e Traktorëve ose siç njihet autobusi i linjës së “Ali Demit”, ka përplasur një këmbësor.

Siç mësohet, personi i plagosur ka qenë duke kaluar rrugën kur është përplasur nga autobusi me udhëtarë.

Në vendin e ngjarjes ka mbërritur policia dhe ambulanca, ndërsa është ndaluar shoferi i autobusit.